0

“EZ ZEN DIRUAGATIK”

Posted by on 2014(e)ko abuztuak 6 in Sailkatugabeak |

ana jaka_content Orain arte, XX. eta XXI. mendeko euskal literaturan langile klaseko protagonistak aurkitzea oso zaila izan da. Ez da harritzekoa, sortzaileak, hau da idatzi dituzten liburuak, kazetariak, ingeniariak, soziologoak eta abar izan  baitira, salbuespenak salbuespen.         Agian, gaizki deitutako krisialdia dela eta, langile klaseko emakumeak eta gizonak aurkezten hasi dira.

 Ana Jakak idatzitako eleberriaren pertsonaia nagusia  langabezian dago. Olga, behin baino gehiagotan Gizarte bulegora joaten da, laguntza jasotzeko eta azkenean lan bat aurkitzen duenean ez da panazea, Aurrezko Kutxako  bulegoaren garbitzailea baizik. 116. orrialdean “Gizarte laguntzailearekin hitzordua nuen”.

         Horretaz aparte Ez zen diruagatikdelako eleberriaren argudioa original samarra da.  Hirukote bat: Olga, Dani eta Mikel elkarrekin bizi dira denbora tarte  batez. Dani eta Mikel maiteminduta daude, eta hori ere ez da oso arrunta euskal literaturan.

Pasarte ederrak aurki ditzakegu, adibidez gauaren inguruko hausnarketak 10.atalean 107.o “Gauarekin zerikusia du iluntasunarekin …”

Estiloari dagokionez, testua hamalau atalak eta 3 gutunak osatzen dute . Subjuntibo gehiegi erabiltzen du Jakak eta horrek kutsu zaindu itxura emate dio.

Laburbilduz, oso liburu gomendagarria da. Gainera, zenbat eta orrialde irakurri gero eta gehiago gustatzen zaizu.

Etiketak:

0

“GELTOKIAK EDO HELDUTA ENTZUTEKO ABESTIAK”

Posted by on 2013(e)ko azaroak 8 in Sailkatugabeak |

geltokiak edo AZALA.inddp057_f03 Ederki pasatu dut  eleberri hau irakurtzen. Izenburua dela eta erabaki nuen  erostea. Hainbeste hiri aipatzen diren arren ;Hendaia, Marseilla, Geneva,  Trieste, Venezia eta abar…ez da gida turistikoa, baizik eta geltokiak aitzakia  ederra dira istorio bat kontatzeko. Hainbat atal, hainbat istorio. Zein baino  zein originalagoa eta ezberdinagoa!. Gehienek kutsu melankoliakoa  daukate: nostalgia eta tristura askatzen dituzte.

 

Bestalde, modu soil eta apal batean  gai garrantzitsuago baina  garrantzitsuagoak aipatzen dira, adibidez pertsonen kontrako minei

buruzkoa, zahartzaroaren ingurukoa, arroztearen gainekoa da.

 

Testua Hendaiari buruzko geltokiarekin hasten eta bukatzen da. Bitartean bidaia polita eskaintzen digu Goiatz Labandibarrek. Atal guztiak oso landatuak daude eta original -originalak dira. Gainera, atal batek baino gehiagok kutsu kulturala dauka. Horrela 4. atalean, Venezia aipatzean Hopper margolaren gainean idazten du.

 

Horrengatik guztiagatik oso gustura irakurri dut liburu hau.

Etiketak:

0

“BITAN ESAN BEHARRA”

Posted by on 2013(e)ko irailak 16 in Sailkatugabeak |

 

Bitan esan beharra”

Egilea: RICARDO ARREGI DIAZ DE HEREDIA

 

Olerkia irakurtzea zaila dela esaten da, baina hori ez da egia Rikardo Arregiren kasuan. Hasi bezain laster gaiek, hitzek eta olerkiek beraiek erakarrita sentitzen zara. Gauza bera gertatu zitzaidan bere aurreko olerki testuarekin: “Kartografia”.

Oso liburu ederra idatzi du Gasteizko idazleak, saria gora behera. Hiru zati dauzka:

1-   Bizitza arteal_libu-rikardo-arregi-bitan-esan-beharra-1

2-   Amodiozko poema edo

3-   Requiem

Bakoitzak bere xarma du, baina nire gogokoenak hirugarren atalean aurkitzen dira: Luis Cernudaren inguruko olerkiari hunkigarri baino hunkigarriagoa  deritzot.

Literatura onean jazotzen den bezala “Eros eta “Tanathos”, “Maitasuna eta “Heriotza”, elkarrekin daude. Horrela, bigarren zatian batez ere, badaude oso  erromantikoak diren poema batzuk. Nik esango nuke Gustavo Adolfo Becquerren eragina duela. Aldi berean, azken atalean heriotzaren gaineko olerkiak  irakur ditzakegu.

Estiloari dagokionez, anaforak eta errepikapenak erabiltzen ditu Gasteizko olerkariak. Behin baino gehiagotan poemek ez dute betiko itxura, itxura  original bat baizik.

Irakaslea dela nabaritzen da, zeren eta badago ikasleentzako eskainitako olerki bat.

Amaitzeko, oso testu ederra da eta merezi du irakurtzea.

 

0

KRISTALEZKO BEGI BAT

Posted by on 2013(e)ko maiatzak 28 in Sailkatugabeak |

Izenburua: Kristalezko begi bat

Egilea: MIREN AGUR MEABE

 

Badira bi urte Miren Agur Meaberen olerkiaren gaineko liburua, “Azalaren kodea” izenekoa, irakurri nuela. Liluratuta geratu nintzen hurrengo hau irakurtzean:

“Bestelako kodea aldarrikatu nahi dut

hitzarena ez bezalako kodea,

hizkera ez-hitzezkoa,

oroimenean kondenatu ezineko lengoaia,

zinak gezurta ditzakeen berbakera,

erreklamazio-libururik eta

tarifa-zerrendarik gabeko mintza mutua…”kristalezko-azala

 

Hori dela eta irrikan nengoen bere liburu berria leitzeko: ”Kristalezko begi bat”. Aitortu behar dut testuaren hasieran galduegi nengoela. Izan ere, ez nekien nola definitu: ez zen eleberria ezta saiakera ere Montaignek asmatutako genero literarioa. Baina, amaitu bezain laster oso  liburu borobila iruditu zait, kontakizun autobiografiko gisa definituko nuke.    

Nik uste dut testu katartikoa idatzi duela Lekeitioko egileak. Nahiz eta atal hagitz eta motzak egon eta horrek irakurlea nahasten  duen, bi ardatz nagusi dauzka: bata kristalezko begi batzuei buruzkoa da, bestean M-rekiko (Miren Agur Meaberen maitale ohia?) harremanen inguruan hitz egiten da.

Lehenengo sujetari dagokionez, kristalezko begi bat zeukaten pertsonaiak edo ipuinak aipatzen ditu. Besteak beste Castelaoren ipuin bat, Mr Churchil, Hidalgo bat. Haiek guztiak markatuta egon dira egintza honengatik. Begia galdu zutenen zerrenda bat egiten du: Moshe Dyan , besteak beste.

Bigarren gaiaren gainean, oso ongi deskribatzen du desamodioa, ororen gainetik “Minaren aldakiak” delako atalean. Oso gutun poetikoa izkiriazten dio M-ri.

Nabaritzen da emakumea dela; bada, menopausiaren, bular mamografien gainean idazten du modu unibertsal batean, edozein emakumezkok ahal duelako ezagutu bere burua. 

Azkenean, liburu hau irakurri nuenean, Enrique Vila-Matas, Kataluniako idazlea, etorri zitzaidan burura. Biak, Vila-Matasen eleberriak eta Kristalezko begi baten azken zatia “metaliteratura” bihurtzen dira. Azken zatian hainbat idazle aipatzen ditu: Marguerite Duras, Shakespeare, Castelao, Annie Ernaux eta Jon Coetzee besteak beste.

0

ROSA LUXEMBURG

Posted by on 2013(e)ko maiatzak 19 in Sailkatugabeak |

Izenburua: Rosa Luxemburg

Egilea: LOREA AGIRRE

Rosa

Badira hainbat hilabete liburutegiek ez dutela libururik erosten edo oso gutxi. Latinezko esapide batek esaten duenez: ”Intelektus apretatus diskurrit qui rabia” , horregatik haiek ekintza originalak egiten ari dira irakurleak erakartzeko. Horrela, Gasteizko Hegoalde gizarte etxeko liburuzainei bururatu zaie emakumezkoen inguruko apala jartzea.

 

Apal  horretan liburu hau aurkitu nuen. Ez dakit kointzidentzia den baina haren egilea, Lorea Agirre, 1968an jaio zen. Nire iritziko, urte iraultzailea izan zen, ez bakarrik Frantziako maiatzean gertatutakoagatik, Mexikon, Estatu espainiarrean, eta Txekoslovakian gertatutakoagatik ere bai. Apika, urte hartan jaio zelako, Rosa Luxemburg-i buruz idaztea erabaki zuen Lorea Agirrek.

 

Izan ere, Lorea Agirreren arabera Rosa Luxemburg maila intelektual eta ideologiko handiko politikoa izan zen, dialektika bikaineko emakumea (38. Orrialdean).

 

Irakasle lanetan jardun zen zazpi urtez eta tarte horretan idatzi zuen bere lanik  nagusiena: ”Kapitalaren pilaketa”.

 

Oso bizitza z

aila eraman zuen: arrisku bizian zegoen eta denbora luzez klandestinitatean bizi izan zen. Besteak beste, 1906ko martxoaren 4an poliziak atxilotu zuen Rosa. Bitartean, artikulu hagitz idatzi zuen kartzelan.

 
Lehen mundu gerraren aurka egon zen, pentsatzen zuen gerran parte hartzeak sozialismoaren eta langileen klaudikazioa baino ez zuela ekarriko. Gerraren eta armadaren  aurrean intsumisioa aldarrikatu zuen. Haatik, hautsi zuen sozialdemokrazia izeneko alderdiarekin eta Liga Espartaquista  asmatu zuen. Hori dela eta, Rosa Luxemburg-en eta bere bikotekidearen (Liebknecht) buruek prezioa jarria zuten: 100,00 marko bakoitzarengatik, bizirik edo hilda. Urtarrilaren 15ean atxilotu  eta hil zituzten.

Nahiz eta Rosa Luxemburg-en biografia 2004an idatzita dagoen, puri-purian dago, ikusiak ikusita.  Azken batean, Alemaniako politikoak arrazoi zeukan esaten zuenean: “Sozialismoa edo zarpailkeria”.

 

Copyright © 2012-2018 Lantzeak All rights reserved.
This site is using the Desk Mess Mirrored theme, v2.5, from BuyNowShop.com.