0

“Sano erradikal” Isa Diaz

Posted by on 2020(e)ko urriak 22 in Liburuaren balorazioa |

Poesiari buruzko kritika gutxi dago web orri honetan. Agian gehiago kostatzen delako poemak irakurtzea saiakera edo eleberri bat baino, batez ere poliziakoa bada. Pena da, zeren irakurleak plazer eta atsegin une handi bat galtzen baitu. Esperientziagatik dakit. Adibidez, liburu honekin gertatu zait, eta hunkitu egin nau bai ikuspegi formalagatik, bai edukiagatik. Batzuetan poesia zaila, hermetikoa, […]

0

“Bahiketa” Asel Luzarraga

Posted by on 2020(e)ko irailak 27 in Liburuaren balorazioa |

Duela hamar urte ‘Utopiaren itzalak’ irakurri nuen eta izugarri gustatu zitzaidan. Ezin dut gauza bera esan ‘Bahiketa’ri buruz. Asel Luzarragaren bederatzigarren eleberria ez zait lehen aipatutakoa bezain ona iruditu.   Pertsonaiek gehiegi hitz egiten dute eta oso ekintza gutxi dago. Une jakin batean berak dioen bezala, ezin dute borroka dialektikoa aldera batera utzi eta denbora […]

0

“Funanbulistaren beldurra” Karlos Gorrindo

Posted by on 2020(e)ko abuztuak 31 in Liburuaren balorazioa |

Liburu honek beren herriaren emantzipazioarekin, barne-kontraesanekin eta kanpoko presio eta mehatxuekin konprometitu ziren pertsona askoren sufrimendua islatzen du. Horregatik, ‘Funanbulistaren beldurra’ ez zait iruditzen autobiografia bat bakarrik denik, kritikan nire aurretik dagoen pertsonak dioen bezala, baizik eta Euskal Herriko historiaren zati bat. Sarrionandiak bere hitzaurre zoragarrian dioenez: “Espaniako espazio publikoan ez da onartzen euskaldun errebeldeen […]

0

“Ene baitan bizi da” Maddi Anne Txoperena

Posted by on 2020(e)ko abuztuak 24 in Liburuaren balorazioa |

Testu honek bi istorio paralelo ditu. Batetik, amona Josefinarena eta, bestetik, haren biloba Marierena. Eleberria Paristik Donibane Lohizunerako bidaia batekin hasten da, eta Donibane Lohizunetik Parisera itzultzean amaitzen da. Bitartean, Mariek hiru hilabete eman ditu Iparraldean amonaren iragana ezagutzeko, Juleni ahaztu egin dio Montparnasseko geltokian ez zuela agur esan nahi izan, aitarekin topo egin du […]

0

“Zendabalitz” Erika Elizari

Posted by on 2020(e)ko uztailak 16 @ 14:40
in Liburuaren balorazioa |

 

Oso testu originala idatzi du Hernaniko idazleak. Istorioa hegazkin batean gertatzen da eta pertsonaia bakoitzak gertatzen zaiona kontatzen du, bere oroitzapenak eta inpresioak. Aitortzen dut hasieran argumentuak ez ninduela harrapatzen, istorioa oso nahasia iruditzen baitzitzaidan eta irakurtzeari uztekotan egon bainintzen. Baina 19. orrialdetik aurrera protagonista bakoitzari zer gertatzen zitzaion idazten hasi nintzen, ez galtzeko. Eta horri esker, istorioari gustua hartzen joan nintzaion, hiru egunetan amaitu nuen arte.

Izan ere, zortzi pertsonaia dira, Xabier Agirre izan ezik, hegazkineko komandantea delako. Batzuek Parisen hainbat egun igaro dituzte. Horregatik, Argiaren Hiriari buruzko erreferentziak agertzen dira. Adibidez, Belleville auzoa, Notre Dame katedrala, Marché sux Puces delako merkatua eta Champs Élysées.

Bitartean, Erikak bere protagonisten pasadizo batzuk kontatzen dizkigu: pilotua zorabiatu egiten da, konortea galtzen du eta amesgaizto batzuk ditu. Malox, hau da, Maria Dolores, medikua da eta laguntzera doa. Paule, haurdun dagoena, komunean giltzapetuta geratzen da, Enara komunera joan eta galdutako eraztuna aurkitzen duen arte.

Pixkanaka pixkana, protagonistek elkar ezagutzen dute. Batzuen artean adiskidetasuna sortzen da, beste batzuk isilik geratzen dira oroitzapenak hausnartzen, bidaia amaitzen den arte, eta guk, irakurleok, oso une dibertigarri eta entretenigarria igaro dugu. Horregatik merezi du liburu hau irakurtzea.

Copyright © 2012-2020 Lantzeak All rights reserved.
This site is using the Desk Mess Mirrored theme, v2.5, from BuyNowShop.com.